What benefits does the wearer of the 'Samsarapavana Kavacham' receive, according to Maheshwara?

Maheshwara states that one who devoutly wears this Kavacham can easily conquer the three worlds.

Who gave the 'Samsarapavana Kavacham' to Durvasa, and what was its purpose?

Maheshwara gave the Kavacham to Durvasa to conquer the three worlds.

What results from listening to the Shulini's Stotra, according to the text?

The text states that listening to this great and virtuous Stotra grants the listener the merit of bathing in all sacred waters.

What does the Shiva Stotram promise to those imprisoned, facing financial ruin or health problems?

It promises release from imprisonment, restoration of lost wealth, and recovery from ailments through devotion to Shiva.

According to the text, what qualities does Shiva embody?

The text describes Shiva as the essence of the gods, the lord of the gods, the origin of yoga, and the guru of gurus, bestower of knowledge, bliss, and prosperity.

śrī śiva stavarājaḥ (bāṇēśvara kavaca sahita)

1291
Shiv Stotra

(brahmavaivarta purāṇāntargatam)

ōṁ namō mahādēvāya |

[– kavacaṁ –]
bāṇāsura uvāca |
mahēśvara mahābhāga kavacaṁ yatprakāśitam |
saṁsārapāvanaṁ nāma kr̥payā kathaya prabhō || 43 ||

mahēśvara uvāca |
śr̥ṇu vakṣyāmi hē vatsa kavacaṁ paramādbhutam |
ahaṁ tubhyaṁ pradāsyāmi gōpanīyaṁ sudurlabham || 44 ||

purā durvāsasē dattaṁ trailōkyavijayāya ca |
mamaivēdaṁ ca kavacaṁ bhaktyā yō dhārayētsudhīḥ || 45 ||

jētuṁ śaknōti trailōkyaṁ bhagavannavalīlayā |
saṁsārapāvanasyāsya kavacasya prajāpatiḥ || 46 ||

r̥ṣiśchandaśca gāyatrī dēvō:’haṁ ca mahēśvaraḥ |
dharmārthakāmamōkṣēṣu viniyōgaḥ prakīrtitaḥ || 47 ||

pañcalakṣajapēnaiva siddhidaṁ kavacaṁ bhavēt |
yō bhavētsiddhakavacō mama tulyō bhavēdbhuvi |
tējasā siddhiyōgēna tapasā vikramēṇa ca || 48 ||

śambhurmē mastakaṁ pātu mukhaṁ pātu mahēśvaraḥ |
dantapaṅktiṁ nīlakaṇṭhō:’pyadharōṣṭhaṁ haraḥ svayam || 49 ||

kaṇṭhaṁ pātu candracūḍaḥ skandhau vr̥ṣabhavāhanaḥ |
vakṣaḥsthalaṁ nīlakaṇṭhaḥ pātu pr̥ṣṭhaṁ digambaraḥ || 50 ||

sarvāṅgaṁ pātu viśvēśaḥ sarvadikṣu ca sarvadā |
svapnē jāgaraṇē caiva sthāṇurmē pātu santatam || 51 ||

iti tē kathitaṁ bāṇa kavacaṁ paramādbhutam |
yasmai kasmai na dātavyaṁ gōpanīyaṁ prayatnataḥ || 52 ||

yatphalaṁ sarvatīrthānāṁ snānēna labhatē naraḥ |
tatphalaṁ labhatē nūnaṁ kavacasyaiva dhāraṇāt || 53 ||

idaṁ kavacamajñātvā bhajēnmāṁ yaḥ sumandadhīḥ |
śatalakṣaprajaptō:’pi na mantraḥ siddhidāyakaḥ || 54 ||

sautiruvāca |
idaṁ ca kavacaṁ prōktaṁ stōtram ca śr̥ṇu śaunaka |
mantrarājaḥ kalpatarurvasiṣṭhō dattavānpurā || 55 ||

ōṁ namaḥ śivāya |

[– stavarājaḥ –]
bāṇāsura uvāca |
vandē surāṇāṁ sāraṁ ca surēśaṁ nīlalōhitam |
yōgīśvaraṁ yōgabījaṁ yōgināṁ ca gurōrgurum || 56 ||

jñānānandaṁ jñānarūpaṁ jñānabījaṁ sanātanam |
tapasāṁ phaladātāraṁ dātāraṁ sarvasampadām || 57 ||

tapōrūpaṁ tapōbījaṁ tapōdhanadhanaṁ varam |
varaṁ varēṇyaṁ varadamīḍyaṁ siddhagaṇairvaraiḥ || 58 ||

kāraṇaṁ bhuktimuktīnāṁ narakārṇavatāraṇam |
āśutōṣaṁ prasannāsyaṁ karuṇāmayasāgaram || 59 ||

himacandana kundēndu kumudāṁbhōja sannibham |
brahmajyōtiḥ svarūpaṁ ca bhaktānugrahavigraham || 60 ||

viṣayāṇāṁ vibhēdēna bibhrataṁ bahurūpakam |
jalarūpamagnirūpa-mākāśarūpamīśvaram || 61 ||

vāyurūpaṁ candrarūpaṁ sūryarūpaṁ mahatprabhuṁ |
ātmanaḥ svapadaṁ dātuṁ samarthamavalīlayā || 62 ||

bhaktajīvanamīśaṁ ca bhaktānugrahakārakam |
vēdā na śaktā yaṁ stōtuṁ kimahaṁ staumi taṁ prabhum || 63 ||

aparicchinnamīśāna-mahōvāṅmanasōḥ param |
vyāghracarmāmbaradharaṁ vr̥ṣabhasthaṁ digambaram |
triśūlapaṭ-ṭiśadharaṁ sasmitaṁ candraśēkharam || 64 ||

ityuktvā stavarājēna nityaṁ bāṇaḥ susamyataḥ |
prāṇamacchaṅkaraṁ bhaktyā durvāsāśca munīśvaraḥ || 65 ||

idaṁ dattaṁ vasiṣṭhēna gandharvāya purā munē |
kathitaṁ ca mahāstōtram śūlinaḥ paramādbhutam || 66 ||

idaṁ stōtram mahāpuṇyaṁ paṭhēdbhaktyā ca yō naraḥ |
snānasya sarvatīrthānāṁ phalamāpnōti niścitam || 67 ||

aputrō labhatē putraṁ varṣamēkaṁ śr̥ṇōti yaḥ |
samyataśca haviṣyāśī praṇamya śaṅkaraṁ gurum || 68 ||

galatkuṣṭhī mahāśūlī varṣamēkaṁ śr̥ṇōti yaḥ |
avaśyaṁ mucyatē rōgādvyāsavākyamiti śrutam || 69 ||

kārāgārē:’pi baddhō yō naiva prāpnōti nirvr̥tim |
stōtram śrutvā māsamēkaṁ mucyatē bandhanāddhr̥vam || 70 ||

bhraṣṭarājyō labhēdrājyaṁ bhaktyāmāsaṁ śr̥ṇōti yaḥ |
māsaṁ śrutvā samyataśca labhēdbhraṣṭadhanō dhanam || 71 ||

yakṣmagrastō varṣamēkamāstikō yaḥ śr̥ṇōti cēt |
niścitaṁ mucyatē rōgācchaṅkarasya prasādataḥ || 72 ||

yaḥ śr̥ṇōti sadā bhaktyā stavarājamimaṁ dvijaḥ |
tasyāsādhyaṁ tribhuvanē nāsti kiñcicca śaunaka || 73 ||

kadācidbandhuvicchēdō na bhavēttasya bhāratē |
acalaṁ paramaiśvaryaṁ labhatē nātra samśayaḥ || 74 ||

susamyatō:’ti bhaktyā ca māsamēkaṁ śr̥ṇōti yaḥ |
abhāryō labhatē bhāryāṁ suvinītāṁ satīṁ varām || 75 ||

mahāmūrkhaśca durmēdhā māsamēkaṁ śr̥ṇōti yaḥ |
buddhiṁ vidyāṁ ca labhatē gurūpadēśamātrataḥ || 76 ||

karmaduḥkhī daridraśca māsaṁ bhaktyā śr̥ṇōti yaḥ |
dhruvaṁ vittaṁ bhavēttasya śaṅkarasya prasādataḥ || 77 ||

iha lōkē sukhaṁ bhuktvā kr̥tvākīrtiṁ sudurlabhām |
nānā prakāra dharmaṁ ca yātyantē śaṅkarālayam || 78 ||

pārṣadapravarō bhūtvā sēvatē tatra śaṅkaram |
yaḥ śr̥ṇōti trisandhyaṁ ca nityaṁ stōtramanuttamam || 79 ||

iti śrībrahmavaivartē mahāpurāṇē brahmakhaṇḍē sautiśaunakasaṁvādē śaṅkarastōtra kathanaṁ nāma ēkōnavimśōdhyāyaḥ ||

About the Author: Team Trilok

Trilok represents a premier collective of Subject Matter Experts (SME) in the fields of Vedic Astrology, Vastu Shastra, and Religious Studies. Specializing in the intersection of ancient wisdom and modern applicability, the Trilok team provides research-backed insights into planetary influences, spiritual rituals, and Sanatan Dharma traditions.

Dedicated to authenticity, the team comprises certified astrologers and Vedic scholars who ensure every piece of content is factually accurate and scripturally aligned. Trilok serves as a trusted authority for readers seeking precise horoscope analysis, auspicious timings (Muhurat), and detailed guidance on religious observances.