Daridryadahan Shiva Stotram

Daridryadahan Shiva Stotram is a special hymn dedicated to Lord Shiva, recited to overcome poverty and financial difficulties. The stotram describes Lord Shiva’s compassionate and benevolent nature. Regular recitation is believed to bring wealth, prosperity, and peace into the devotee’s life. It is considered helpful in removing financial obstacles and bringing stability and abundance.

 

 

viśvēśvarāya narakārṇavatāraṇāya
karṇāmr̥tāya śaśiśēkharadhāraṇāya |
karpūrakāntidhavalāya jaṭādharāya
dāridryaduḥkhadahanāya namaḥ śivāya || 1 ||

gaurīpriyāya rajanīśakalādharāya
kālāntakāya bhujagādhipakaṅkaṇāya |
gaṅgādharāya gajarājavimardanāya
dāridryaduḥkhadahanāya namaḥ śivāya || 2 ||

bhaktipriyāya bhavarōgabhayāpahāya
ugrāya duḥkhabhavasāgaratāraṇāya |
jyōtirmayāya guṇanāmasunr̥tyakāya
dāridryaduḥkhadahanāya namaḥ śivāya || 3 ||

carmāmbarāya śavabhasmavilēpanāya
phālēkṣaṇāya maṇikuṇḍalamaṇḍitāya |
mañjīrapādayugalāya jaṭādharāya
dāridryaduḥkhadahanāya namaḥ śivāya || 4 ||

pañcānanāya phaṇirājavibhūṣaṇāya
hēmāṁśukāya bhuvanatrayamaṇḍitāya |
ānandabhūmivaradāya tamōmayāya
dāridryaduḥkhadahanāya namaḥ śivāya || 5 ||

gaurīvilāsabhavanāya mahēśvarāya
pañcānanāya śaraṇāgatakalpakāya |
śarvāya sarvajagatāmadhipāya tasmai
dāridryaduḥkhadahanāya namaḥ śivāya || 6 ||

bhānupriyāya bhavasāgaratāraṇāya
kālāntakāya kamalāsanapūjitāya |
nētratrayāya śubhalakṣaṇa lakṣitāya
dāridryaduḥkhadahanāya namaḥ śivāya || 7 ||

rāmapriyāya raghunāthavarapradāya
nāgapriyāya narakārṇavatāraṇāya |
puṇyēṣu puṇyabharitāya surārcitāya
dāridryaduḥkhadahanāya namaḥ śivāya || 8 ||

muktēśvarāya phaladāya gaṇēśvarāya
gītapriyāya vr̥ṣabhēśvaravāhanāya |
mātaṅgacarmavasanāya mahēśvarāya
dāridryaduḥkhadahanāya namaḥ śivāya || 9 ||

vasiṣṭhēna kr̥taṁ stōtraṁ sarvadāridryanāśanam |
sarvasampatkaraṁ śīghraṁ putrapautrādivardhanam || 10 ||

iti śrīvasiṣṭha kr̥ta dāridryadahana stōtram |