Dwadasa Jyotirlinga Stotra

Dwadasa Jyotirlinga Stotra is a famous hymn describing the twelve Jyotirlingas of Lord Shiva. These twelve Jyotirlingas include Somnath, Mallikarjuna, Mahakaleshwar, Omkareshwar, Kedarnath, Bhimashankar, Vishwanath, Trimbakeshwar, Kashi Vishwanath, Nageshwar, Rameshwar, and Grishneshwar. Reciting this stotra is believed to invoke Lord Shiva’s special blessings, bringing peace, prosperity, and spiritual growth. It is considered highly beneficial for devotees seeking health, happiness, and ultimate liberation (moksha).

 

saurāṣṭradēśē viśadētiramyē
jyōtirmayaṁ candrakalāvataṁsam |
bhaktapradānāya kr̥pāvatīrṇaṁ
taṁ sōmanāthaṁ śaraṇaṁ prapadyē || 1 ||

śrīśailaśr̥ṅgē vividhaprasaṅgē
śēṣādriśr̥ṅgē:’pi sadā vasantam |
tamarjunaṁ mallikapūrvamēnaṁ
namāmi saṁsārasamudrasētum || 2 ||

avantikāyāṁ vihitāvatāraṁ
muktipradānāya ca sajjanānām |
akālamr̥tyōḥ parirakṣaṇārthaṁ
vandē mahākālamahāsurēśam || 3 ||

kāvērikānarmadayōḥ pavitrē
samāgamē sajjanatāraṇāya |
sadaiva māndhātr̥purē vasantaṁ
ōṅkāramīśaṁ śivamēkamīḍē || 4 ||

pūrvōttarē prajvalikānidhānē
sadā vasantaṁ girijāsamētam |
surāsurārādhitapādapadmaṁ
śrīvaidyanāthaṁ tamahaṁ namāmi || 5 ||

yāmyē sadaṅgē nagarē:’tiramyē
vibhūṣitāṅgaṁ vividhaiśca bhōgaiḥ |
sadbhaktimuktipradamīśamēkaṁ
śrīnāganāthaṁ śaraṇaṁ prapadyē || 6 ||

mahādripārśvē ca taṭē ramantaṁ
sampūjyamānaṁ satataṁ munīndraiḥ |
surāsurairyakṣamahōragādyaiḥ
kēdāramīśaṁ śivamēkamīḍē || 7 ||

sahyādriśīrṣē vimalē vasantaṁ
gōdāvarītīrapavitradēśē |
yaddarśanātpātakamāśu nāśaṁ
prayāti taṁ tryambakamīśamīḍē || 8 ||

sutāmraparṇījalarāśiyōgē
nibadhya sētuṁ viśikhairasaṅkhyaiḥ |
śrīrāmacandrēṇa samarpitaṁ taṁ
rāmēśvarākhyaṁ niyataṁ namāmi || 9 ||

yaṁ ḍākinīśākinīkāsamājē
niṣēvyamāṇaṁ piśitāśanaiśca |
sadaiva bhīmādipadaprasiddhaṁ
taṁ śaṅkaraṁ bhaktahitaṁ namāmi || 10 ||

sānandamānandavanē vasanta-
-mānandakandaṁ hatapāpabr̥ndam |
vārāṇasīnāthamanāthanāthaṁ
śrīviśvanāthaṁ śaraṇaṁ prapadyē || 11 ||

ilāpurē ramyaviśālakē:’smin
samullasantaṁ ca jagadvarēṇyam |
vandē mahōdāratarasvabhāvaṁ
ghr̥ṣṇēśvarākhyaṁ śaraṇaṁ prapadyē || 12 ||

jyōtirmayadvādaśaliṅgakānāṁ
śivātmanāṁ prōktamidaṁ kramēṇa |
stōtraṁ paṭhitvā manujō:’tibhaktyā
phalaṁ tadālōkya nijaṁ bhajēcca || 13 ||

iti dvādaśa jyōtirliṅga stōtram ||