Who is Radha described as in relation to Krishna (kr̥ṣṇa)?

Radha is described as Kr̥ṣṇaprāṇādhikā (more dear than life to Krishna), Kr̥ṣṇapriyā (dear to Krishna), and Kr̥ṣṇasvarūpiṇī (identical to Krishna).

What does the name 'Radha' (rādhā) signify according to the text?

The text explains that 'Ra' signifies the dispeller of obstacles, and she is the giver of liberation, thus she is called Radha.

What is Radha called because of her residence in Rasa (rāsē)?

Because of her residence in Rasa (rāsē), Radha is called Rāsavāsinī.

What benefit does the text say you gain from reciting this stotra (hymn)?

Reciting this stotra with devotion grants devotion to the lotus feet of Radha and Madhava, eternal companionship with them, and attainment of various siddhis.

What is emphasized regarding sharing or teaching the stotra (hymn)?

The stotra should not be given to those who are critical or not devoted to Vishnu.

śrī rādhā ṣōḍaśanāma varṇanam (nārāyaṇa kr̥tam)

1285
Krishna Stotra

rādhā rāsēśvarī rāsavāsinī rasikēśvarī |
kr̥ṣṇaprāṇādhikā kr̥ṣṇapriyā kr̥ṣṇasvarūpiṇī || 1 ||

kr̥ṣṇavāmāṅgasambhūtā paramānandarūpiṇī |
kr̥ṣṇā vr̥ndāvanī vr̥ndā vr̥ndāvanavinōdinī || 2 ||

candrāvalī candrakāntā śaraccandraprabhānanā |
nāmānyētāni sārāṇi tēṣāmabhyantarāṇi ca || 3 ||

rādhētyēvaṁ ca saṁsiddhā rākārō dānavācakaḥ |
svayaṁ nirvāṇadātrī yā sā rādhā parikīrtitā || 4 ||

rā ca rāsē ca bhavanāddhā ēva dhāraṇādahō |
harērāliṅganādārāttēna rādhā prakīrtitā || 5 ||

rāsēśvarasya patnīyaṁ tēna rāsēśvarī smr̥tā |
rāsē ca vāsō yasyāśca tēna sā rāsavāsinī || 6 ||

sarvāsāṁ rasikānāṁ ca dēvīnāmīśvarī parā |
pravadanti purā santastēna tāṁ rasikēśvarīm || 7 ||

prāṇādhikā prēyasī sā kr̥ṣṇasya paramātmanaḥ |
kr̥ṣṇaprāṇādhikā sā ca kr̥ṣṇēna parikīrtitā || 8 ||

kr̥ṣṇāsyātipriyā kāntā kr̥ṣṇō vā:’syāḥ priyaḥ sadā |
sarvairdēvagaṇairuktā tēna kr̥ṣṇapriyā smr̥tā || 9 ||

kr̥ṣṇarūpaṁ saṁvidhātuṁ yā śaktā cāvalīlayā |
sarvāṁśaiḥ kr̥ṣṇasadr̥śī tēna kr̥ṣṇasvarūpiṇī || 10 ||

vāmāṅgārdhēna kr̥ṣṇasya yā sambhūtā parā satī |
kr̥ṣṇavāmāṅgasambhūtā tēna kr̥ṣṇēna kīrtitā || 11 ||

paramānandarāśiśca svayaṁ mūrtimatī satī |
śrutibhiḥ kīrtitā tēna paramānandarūpiṇī || 12 ||

kr̥ṣirmōkṣārthavacanō ṇa ēvōtkr̥ṣṭavācakaḥ |
ākārō dātr̥vacanastēna kr̥ṣṇā prakīrtitā || 13 ||

asti vr̥ndāvanaṁ yasyāstēna vr̥ndāvanī smr̥tā |
vr̥ndāvanasyādhidēvī tēna vā:’tha prakīrtitā || 14 ||

saṅghaḥ sakhīnāṁ vr̥ndaḥ syādakārō:’pyastivācakaḥ |
sakhivr̥ndō:’sti yasyāśca sā vr̥ndā parikīrtitā || 15 ||

vr̥ndāvanē vinōdaśca sō:’syā hyasti ca tatra vai |
vēdā vadanti tāṁ tēna vr̥ndāvanavinōdinīm || 16 ||

nakhacandrāvalīvaktracandrō:’sti yatra santatam |
tēna candravalī sā ca kr̥ṣṇēna parikīrtitā || 17 ||

kāntirasti candratulyā sadā yasyā divāniśam |
sā candrakāntā harṣēṇa hariṇā parikīrtitā || 18 ||

śaraccandraprabhā yasyāścā:’:’nanē:’sti divāniśam |
muninā kīrtitā tēna śaraccandraprabhānanā || 19 ||

idaṁ ṣōḍaśanāmōktamarthavyākhyānasamyutam |
nārāyaṇēna yaddattaṁ brahmaṇē nābhipaṅkajē || 20 ||

brahmaṇā ca purā dattaṁ dharmāya janakāya mē |
dharmēṇa kr̥payā dattaṁ mahyamādityaparvaṇi || 21 ||

puṣkarē ca mahātīrthē puṇyāhē dēvasaṁsadi |
rādhāprabhāvaprastāvē suprasannēna cētasā || 22 ||

idaṁ stōtraṁ mahāpuṇyaṁ tubhyaṁ dattaṁ mayā munē |
nindakāyā:’vaiṣṇavāya na dātavyaṁ mahāmunē || 23 ||

yāvajjīvamidaṁ stōtraṁ trisandhyaṁ yaḥ paṭhēnnaraḥ |
rādhāmādhavayōḥ pādapadmē bhaktirbhavēdiha || 24 ||

antē labhēttayōrdāsyaṁ śaśvat sahacarō bhavēt |
aṇimādikasiddhiṁ ca samprāpya nityavigraham || 25 ||

vratadānōpavāsaiśca sarvairniyamapūrvakaiḥ |
caturṇāṁ caiva vēdānāṁ pāṭhaiḥ sarvārthasamyutaiḥ || 26 ||

sarvēṣāṁ yajñatīrthānāṁ karaṇairvidhibōdhitaiḥ |
pradakṣiṇēna bhumēśca kr̥tsnāyā ēva saptadhā || 27 ||

śaraṇāgatarakṣāyāmajñānāṁ jñānadānataḥ |
dēvānāṁ vaiṣṇavānāṁ ca darśanēnāpi yat phalam || 28 ||

tadēva stōtrapāṭhasya kalāṁ nārhati ṣōḍaśīm |
stōtrasyāsya prabhāvēṇa jīvanmuktō bhavēnnaraḥ || 29 ||

iti śrībrahmavaivartē mahāpurāṇē śrīkr̥ṣṇajanmakhaṇḍē saptadaśō:’dhyāyē śrīnārāyaṇakr̥ta śrī rādhā ṣōḍaśanāma varṇanam ||

About the Author: Team Trilok

Trilok represents a premier collective of Subject Matter Experts (SME) in the fields of Vedic Astrology, Vastu Shastra, and Religious Studies. Specializing in the intersection of ancient wisdom and modern applicability, the Trilok team provides research-backed insights into planetary influences, spiritual rituals, and Sanatan Dharma traditions.

Dedicated to authenticity, the team comprises certified astrologers and Vedic scholars who ensure every piece of content is factually accurate and scripturally aligned. Trilok serves as a trusted authority for readers seeking precise horoscope analysis, auspicious timings (Muhurat), and detailed guidance on religious observances.