What is the purpose of the Sri Rama Kavacham?

The Sri Rama Kavacham is recited to attain the grace of Sri Ramachandra and for protection from various fears and negative influences, ultimately leading to a higher spiritual state.

Who is the Rishi (sage) of the Sri Rama Kavacham?

The Rishi (sage) of the Sri Rama Kavacham is Agastya.

What benefits are mentioned for reciting or listening to the Sri Rama Kavacham?

Reciting or listening to the Sri Rama Kavacham is said to purify one from even the greatest sins, such as killing a cow or a brahmana, leading to ultimate liberation and the grace of Ramachandra.

Which deities are invoked for protection in the Sri Rama Kavacham?

Sri Rama, along with Sita and Lakshmana, is invoked for protection, with specific forms and weapons of Rama associated with shielding different parts of the body.

What types of fears does meditating on Raghupati (Rama) protect against?

Meditating on an angry Raghupati protects against the fear of thieves, the fear of the king, and the fear of enemies.

śrī rāma kavacam

1280
Ram Stotra

agastiruvāca |
ājānubāhumaravindadalāyatākṣa-
-mājanmaśuddharasahāsamukhaprasādam |
śyāmaṁ gr̥hīta śaracāpamudārarūpaṁ
rāmaṁ sarāmamabhirāmamanusmarāmi || 1 ||

asya śrīrāmakavacasya agastya r̥ṣiḥ anuṣṭup chandaḥ sītālakṣmaṇōpētaḥ śrīrāmacandrō dēvatā śrīrāmacandraprasādasiddhyarthē japē viniyōgaḥ |

atha dhyānam |
nīlajīmūtasaṅkāśaṁ vidyudvarṇāmbarāvr̥tam |
kōmalāṅgaṁ viśālākṣaṁ yuvānamatisundaram || 1 ||

sītāsaumitrisahitaṁ jaṭāmukuṭadhāriṇam |
sāsitūṇadhanurbāṇapāṇiṁ dānavamardanam || 2 ||

yadā cōrabhayē rājabhayē śatrubhayē tathā |
dhyātvā raghupatiṁ kruddhaṁ kālānalasamaprabham || 3 ||

cīrakr̥ṣṇājinadharaṁ bhasmōddhūlitavigraham |
ākarṇākr̥ṣṭaviśikhakōdaṇḍabhujamaṇḍitam || 4 ||

raṇē ripūn rāvaṇādīṁstīkṣṇamārgaṇavr̥ṣṭibhiḥ |
saṁharantaṁ mahāvīramugramaindrarathasthitam || 5 ||

lakṣmaṇādyairmahāvīrairvr̥taṁ hanumadādibhiḥ |
sugrīvādyairmāhāvīraiḥ śailavr̥kṣakarōdyataiḥ || 6 ||

vēgātkarālahuṅkārairbhubhukkāramahāravaiḥ |
nadadbhiḥ parivādadbhiḥ samarē rāvaṇaṁ prati || 7 ||

śrīrāma śatrusaṅghānmē hana mardaya khādaya |
bhūtaprētapiśācādīn śrīrāmāśu vināśaya || 8 ||

ēvaṁ dhyātvā japēdrāmakavacaṁ siddhidāyakam |
sutīkṣṇa vajrakavacaṁ śr̥ṇu vakṣyāmyanuttamam || 9 ||

atha kavacam |
śrīrāmaḥ pātu mē mūrdhni pūrvē ca raghuvaṁśajaḥ |
dakṣiṇē mē raghuvaraḥ paścimē pātu pāvanaḥ || 10 ||

uttarē mē raghupatirbhālaṁ daśarathātmajaḥ |
bhruvōrdūrvādalaśyāmastayōrmadhyē janārdanaḥ || 11 ||

śrōtraṁ mē pātu rājēndrō dr̥śau rājīvalōcanaḥ |
ghrāṇaṁ mē pātu rājarṣirgaṇḍau mē jānakīpatiḥ || 12 ||

karṇamūlē kharadhvaṁsī bhālaṁ mē raghuvallabhaḥ |
jihvāṁ mē vākpatiḥ pātu dantapaṅktī raghūttamaḥ || 13 ||

ōṣṭhau śrīrāmacandrō mē mukhaṁ pātu parātparaḥ |
kaṇṭhaṁ pātu jagadvandyaḥ skandhau mē rāvaṇāntakaḥ || 14 ||

dhanurbāṇadharaḥ pātu bhujau mē vālimardanaḥ |
sarvāṇyaṅguliparvāṇi hastau mē rākṣasāntakaḥ || 15 ||

vakṣō mē pātu kākutsthaḥ pātu mē hr̥dayaṁ hariḥ |
stanau sītāpatiḥ pātu pārśvaṁ mē jagadīśvaraḥ || 16 ||

madhyaṁ mē pātu lakṣmīśō nābhiṁ mē raghunāyakaḥ |
kausalyēyaḥ kaṭī pātu pr̥ṣṭhaṁ durgatināśanaḥ || 17 ||

guhyaṁ pātu hr̥ṣīkēśaḥ sakthinī satyavikramaḥ |
ūrū śārṅgadharaḥ pātu jānunī hanumatpriyaḥ || 18 ||

jaṅghē pātu jagadvyāpī pādau mē tāṭakāntakaḥ |
sarvāṅgaṁ pātu mē viṣṇuḥ sarvasandhīnanāmayaḥ || 19 ||

jñānēndriyāṇi prāṇādīn pātu mē madhusūdanaḥ |
pātu śrīrāmabhadrō mē śabdādīnviṣayānapi || 20 ||

dvipadādīni bhūtāni matsambandhīni yāni ca |
jāmadagnyamahādarpadalanaḥ pātu tāni mē || 21 ||

saumitripūrvajaḥ pātu vāgādīnīndriyāṇi ca |
rōmāṅkurāṇyaśēṣāṇi pātu sugrīvarājyadaḥ || 22 ||

vāṅmanōbuddhyahaṅkārairjñānājñānakr̥tāni ca |
janmāntarakr̥tānīha pāpāni vividhāni ca || 23 ||

tāni sarvāṇi dagdhvāśu harakōdaṇḍakhaṇḍanaḥ |
pātu māṁ sarvatō rāmaḥ śārṅgabāṇadharaḥ sadā || 24 ||

iti śrīrāmacandrasya kavacaṁ vajrasammitam |
guhyādguhyatamaṁ divyaṁ sutīkṣṇa munisattama || 25 ||

yaḥ paṭhēcchr̥ṇuyādvāpi śrāvayēdvā samāhitaḥ |
sa yāti paramaṁ sthānaṁ rāmacandraprasādataḥ || 26 ||

mahāpātakayuktō vā gōghnō vā bhrūṇahā tathā |
śrīrāmacandrakavacapaṭhanācchuddhimāpnuyāt || 27 ||

brahmahatyādibhiḥ pāpairmucyatē nātra saṁśayaḥ |
bhō sutīkṣṇa yathā pr̥ṣṭaṁ tvayā mama purāḥ śubham |
tathā śrīrāmakavacaṁ mayā tē vinivēditam || 28 ||

iti śrīmadānandarāmāyaṇē manōharakāṇḍē sutīkṣṇāgastyasaṁvādē śrīrāmakavacam |

About the Author: Team Trilok

Trilok represents a premier collective of Subject Matter Experts (SME) in the fields of Vedic Astrology, Vastu Shastra, and Religious Studies. Specializing in the intersection of ancient wisdom and modern applicability, the Trilok team provides research-backed insights into planetary influences, spiritual rituals, and Sanatan Dharma traditions.

Dedicated to authenticity, the team comprises certified astrologers and Vedic scholars who ensure every piece of content is factually accurate and scripturally aligned. Trilok serves as a trusted authority for readers seeking precise horoscope analysis, auspicious timings (Muhurat), and detailed guidance on religious observances.