श्री शिवाष्टकम्

श्री शिवाष्टकम् आदिशंकराचार्य द्वारा रचित एक प्रसिद्ध स्तोत्र है जो भगवान शिव के आठ रूपों और उनके अद्वितीय गुणों की महिमा का वर्णन करता है। इसे नियमित रूप से पढ़ने से व्यक्ति को मानसिक शांति, आत्मिक उन्नति, और भगवान शिव की कृपा प्राप्त होती है। यह स्तोत्र विशेष रूप से उन लोगों के लिए लाभकारी है, जो जीवन में शांति, समृद्धि और मानसिक संतुलन की तलाश में हैं। शिवाष्टकम् का पाठ भगवान शिव की कृपा से सभी प्रकार के कष्टों और रोगों से मुक्ति दिलाता है, और जीवन को सुखमय बनाता है। इसे सुबह या रात्रि के समय, विशेष रूप से महाशिवरात्रि और सावन जैसे शुभ अवसरों पर पढ़ना अत्यंत प्रभावी होता है।

 

 

 

 

प्रभुं प्राणनाथं विभुं विश्वनाथं
जगन्नाथनाथं सदानन्दभाजम् ।
भवद्भव्यभूतेश्वरं भूतनाथं
शिवं शङ्करं शम्भुमीशानमीडे ॥ १ ॥

गले रुण्डमालं तनौ सर्पजालं
महाकालकालं गणेशाधिपालम् ।
जटाजूटगङ्गोत्तरङ्गैर्विशालं
शिवं शङ्करं शम्भुमीशानमीडे ॥ २ ॥

मुदामाकरं मण्डनं मण्डयन्तं
महामण्डलं भस्मभूषाधरं तम् ।
अनादिं ह्यपारं महामोहमारं
शिवं शङ्करं शम्भुमीशानमीडे ॥ ३ ॥

वटाधोनिवासं महाट्‍टाट्‍टहासं
महापापनाशं सदासुप्रकाशम् ।
गिरीशं गणेशं सुरेशं महेशं
शिवं शङ्करं शम्भुमीशानमीडे ॥ ४ ॥

गिरिन्द्रात्मजासङ्गृहीतार्धदेहं
गिरौ संस्थितं सर्वदाऽऽसन्नगेहम् ।
परब्रह्मब्रह्मादिभिर्वन्द्यमानं
शिवं शङ्करं शम्भुमीशानमीडे ॥ ५ ॥

कपालं त्रिशूलं कराभ्यां दधानं
पदाम्भोजनम्राय कामं ददानम् ।
बलीवर्दयानं सुराणां प्रधानं
शिवं शङ्करं शम्भुमीशानमीडे ॥ ६ ॥

शरच्चन्द्रगात्रं गणानन्दपात्रं
त्रिनेत्रं पवित्रं धनेशस्य मित्रम् ।
अपर्णाकलत्रं सदा सच्चरित्रं
शिवं शङ्करं शम्भुमीशानमीडे ॥ ७ ॥

हरं सर्पहारं चिताभूविहारं
भवं वेदसारं सदा निर्विकारम् ।
श्मशाने वसन्तं मनोजं दहन्तं
शिवं शङ्करं शम्भुमीशानमीडे ॥ ८ ॥

स्तवं यः प्रभाते नरः शूलपाणेः
पठेत् सर्वदा भर्गभावानुरक्तः ।
स पुत्रं धनं धान्यमित्रं कलत्रं
विचित्रैः समाराध्य मोक्षं प्रयाति ॥ ९ ॥

इति श्रीकृष्णजन्मखण्डे शिवाष्टक स्तोत्रम् ।